Contoh Seseorah Dalam Bahasa Jawa
Assalamualaikum Wr.Wb
Puji
syukur tansah konjuk wonten ngarsanipun Allah SWT ingkang sampun paring
kanugrahan ingkang tanpa kendhat awujud kasarasan,rahmat saha hidayah dhumateng
kulo panjenengan sami ing wekdalmeniko.Pramila awit saking sih nugrahaning Gusti
ingkang hakarya jagat kulo panjenengan sami saged kempal saperlu ngrawuhi
adicara pengetan dinten Maulid Nabi ing kalenggahan menika kanti wilujeng nir
ing sambekala.
Ingkang kinurmatan sesepuh saha pini sepuh
lan dhumateng Ibu Dukuh Dusun Kasuran ingkang kita taati printahipun lan sedoyo
hadirin ingkang kawulo hormati.Salajengipun,kulo aturaken sugeng rawuh wonten acara pengetan dinten
Maulid Nabi ing ndalu meniko.Lan kulo ngaturaken panuwun dhateng Bapak Ibu
warga masyarakat Dusun Kasuran Margomulyo Seyegan ing mriki,awit panjenengan
sedaya sampun kersa paring pisumbang awujud menpa kemawon
penggalihanipun,dana,tenaga,ingkang sedaya saged damelregeng saha rancangipun
adicara pengetan dinten Maulid Nabi ing ndalu menika.Boten kesupen atur panuwun
tumuju dateng para mudha mudhi karang taruna ing Dusun Kasuran ingkang sampun
kanthi rila legawaning manah,saiyeg saeka kapti,makaryo sesarengan saengga
saged mujudaken acara pengetan dinten Maulid Nabi ingkang dados pengajian
tumrape para warga sedoyo.
Para Bapak Ibu lan tamu undangan ingkang kulo
hormati,ing ndalu meniko sedoyo umat Islam kabikak manahipun,kadhodhok
jiwanipun,lan kagugah badanipun saperlu ngaji lan mengeti miyosipun kanjeng
Nabi Muhammad SAW,utawa ingkang limrah dipunsebat Maulid Nabi.
Kados sampun sebataken dening
pranatacara,bilih kulo minangka makili saking sagenep panitia tansah nyuwun
aguning samodra pangaksami,awit kulo hangrumaosi bilih anggenipun hangaturaket
papan palenggahan saha samukawisipun kirang mranani dumateng manah panjenengan
sedaya.
Sakderengipun acara pengetan dinten Maulid
Nabi kawiwitan ing ngarsa panjenengan sedoyo sampun wonten unjukan saha
dhaharan.Monggo kulo aturi ngunjuk saha dhahar kanti prayogi.
Mbok menawi cekap semanten ingkang dados atur
kulo wonten ing acara punika,kirangin basa kulo tansah nyuwun sih aguning
pangaksami,purnaning atur Wabillahi Taufiq Wal Hidayah,Wassalamualaikum Wr.Wb
No comments